Enpresak sortzeko eta sendotzeko laguntza ekonomikoak

Vitoria-Gasteizko udalerrian enpresak sortu eta sendotzeko itzuli beharrik gabeko dirulaguntzak, elkarren arteko lehia baliatuz.

Onuradunak

Vitoria-Gasteizen egoitza soziala, zerga-egoitza eta jarduera-zentroa dituzten enpresa pribatuak, 2021eko uztailaren 1aren ondoren ekonomia-jardueren gaineko zergan alta emandakoak. 50 soldatapeko langile baino gutxiago eta urtean 10 milioi eurotik beherako negozio-bolumena edo balantze orokorra izan behar dute. Merkataritza-jarduera bat egin eta deialdiaren betekizunak bete behar dituzte. Zenbait sektore kanpoan geratzen dira.

Zenbatekoa

Gastuen % 50 gehienez, eta gehienez 10.000 euro enpresa onuradun bakoitzeko eta urteko. Diruz lagun daitekeen gutxieneko inbertsioa: 5.000 euro, BEZik gabe.

Erakundea

Vitoria-Gasteizko Udala. Ekonomia Sustapenaren, Enpleguaren, Merkataritzaren eta Turismoaren Saila.

Epea

2026/05/15etik 2026/06/30era.

Gastu diruz lagungarriak

• Enpresaren eraketa erregistratzeko gastuak.
• Enpresa eratzeko eta estatutuak egiteko notaritza-gastuak.
• Bazkideen arteko ituna.
• Enpresa sortzeko aholkularitza.
• Jarduerarako udal-lizentzia lortzeko proiektu teknikoak.
• Merkatu- eta bideragarritasun-azterlanak.
• Irudi korporatiboaren diseinua eta garapena.
• Webgunea eta sare sozialak sortzea, mantentze-lanak eta gastu errepikariak izan ezik.
• Prototipoak diseinatzea eta fabrikatzea.
• Jabetza industriala eta izen komertzialak babestea: patenteak eta markak.
• Kalitate-sistemak ezartzea eta ziurtatzea.
• Ingurumen-kudeaketa ezartzea eta ziurtatzea.
• Berdintasun-planak ezartzea eta ziurtatzea.
• Mugikortasun-planak ezartzea eta ziurtatzea.
• Energia-kudeaketa ezartzea eta ziurtatzea.