Ba al du zentzurik nik izandako negozio IDEIAk? Eduki dezakete merkatua gure IKERKETAREN EMAITZEK? Ba al du enpresa bihurtzeko aukerarik GRADU/MASTER AMAIERAKO PROIEKTUAK??
Deskribapena
INIZIA EKIN INIZIA Arabacampusek antolatutako ekintzailetza tailerra da, eta unibertsitateko kideei (ikasleak, tituludunak, irakasleak, ikertzaileak, etab.) ekiteko funtsezko trebetasunak modu praktikoan hurbiltzea du helburu, ekitea zeharkako konpetentzia gisa ulertuta.
INIZIA EKIN tailerrean taldeko saioak eta banakako tutoretzak batzen dira, proiektuak sortzeko eta horiei buruz hausnartzeko prozesua sostengatzen duen metodologia baten bidez ekintzailetzari lotutako gaitasunak garatzeko. Horri esker, enpresa zer den ezagut daiteke, beste ekintzaile batzuekin ideien garapena partekatu eta beste ekintzaile batzuk zuzenean ezagut daitezke. Tutoretzetan ideien garapena lantzen da, negozio ideia bat garatzeko prozesuan laguntzen eta gidatzen duen tutore profesional baten banakako laguntzari esker.
Helburuak
Parte-hartzaileak enpresa kudeaketako metodo eta tekniketan gaitzea. Helburu nagusia da sustatzaileekin eskura dituzten kudeaketarako tresnak eta metodoak partekatzea. Horri esker, proiektuak lehiakorragoak izango dira, bai tailerrean sortu eta diseinatzeko fasean, bai ondoren enpresa gisa garatzeko fasean.
