Hiru tresna horien inguruko interesa eta jasotako kontsultak ikusita, aurrez aurreko tailer berri bat antolatu dugu datorren asteazkenean (irailak 27), programa horiei buruzko zalantzak azaldu eta argitzeko.Programa honako hau da:
- 10:00 – 10:20h: HAZITEK, Amaia Martínez SPRIko programaren arduradunaren eskutik. Programaren helburua da Euskal Autonomia Erkidegoko enpresa-sektorean industria-ikerketako edo garapen esperimentaleko proiektuak egiten laguntzea, bai lehiakorrak bai estrategikoak.
- 10:20 – 10:40: 64BIS, Amaia Legorburu adituaren eskutik (Lawesome). Programa hori interesgarria da hazteko finantzaketa behar duten eta fiskalki kengarriak izan daitezkeen I+G+b gastuak dituzten enpresentzat.
- 10:40 – 11:00: EIC ACCELERATOR Esther Casado CDTIkoaren eskutik. Europako programa honen helburua enpresak bultzatzea da, beren berrikuntza teknologikoak merkatura eraman eta eskalatzeko. Programa horretarako, arrisku handiko proiektuak bilatzen dira, eduki teknologiko handiko eta talde konprometitu bateko balio berritzaileko proposamen batean oinarrituta.
- 11:00h – 11:30: Galderak
Lekua: Arabako BICeko 116. aretoa.
Izena eman hemen https://docs.google.com/forms/d/e/1FAIpQLSdC2aN9M6Jkaz6bKukniAwWjS7dqgefz95rOcwgbNUq-R3vEg/viewform
